Kryetarët e degëve të Partisë Demokratike janë mbledhur në selinë blu. Mësohet se në fokus të diskutimeve të tyre do të jetë protesta e 29 tetorit.
Pas arrestimit të Presidentit të Partisë së Lirisë, Ilir Meta, kreu i PD-së Sali Berisha informoi për mbajtjen e një proteste më 29 tetor. Pasi njoftoi gjatë mbledhjes së Kryesisë së Partisë Demokratike, të hënë, protestën e radhës më datë 29 tetor, kreu i kësaj force politike, Sali Berisha tha se kjo është data e paralizës së plotë të Shqipërisë.
Ai shtoi se data 29 është dita e mosbindjes së madhe civile, dita e vazhdimit të betejës. Ai gjithashtu, ftoi qytetarët që t’i bashkohen kësaj proteste. Gjithashtu Sekretari i Përgjithshëm Partisë së Lirisë, Tedi Blushi, ka deklaruar se PL-ja do t’i bashkohet protestës së PD-së për mosbindje civile.
