Këngëtarja e njohur Elhaida Dani ka folur hapur për herë të parë rreth historisë së saj të dashurisë me balerinin Ledjan Agalliaj, me të cilin nisi një romancë gjatë spektaklit “Dancing With The Stars”. Historia e tyre mori vëmendje të madhe në publik, pasi në atë kohë Ledjani ishte në një lidhje 7-vjeçare.
E ftuar në një intervistë, Elhaida ka treguar se në fillim marrëdhënia e tyre profesionale ishte e ftohtë, por gjithçka ndryshoi gjatë një dite prove, kur balerini vendosi t’i shprehte ndjenjat e tij.
Siç ka treguar ajo, ai e ka ftuar për të pirë kafe dhe i ka treguar se ishte ndarë nga partnerja që kishte prej 7 vitesh dhe se kishte rënë në dashuri me të.
“Ledi këtë ditë ishte shumë i lumtur kur më rrëfeu gjithçka. Më thotë “Elhajda, unë nuk jam më në një lidhje. Unë për ty kam ndjenja sa nuk di më as vetë ta mbaj, nuk më kërcehet, nuk më haet, nuk më pihet, nuk mundem më, dua të ta them, nuk mundem më, nëse t’i më thua që ndjen gjysmën e saj qe ndjej unë, do të të të bëj njeriun më të lumtur në botë”, rrëfeu ajo në “The Dalina Show”.
Këngëtarja më tej u shpreh mes lotësh se edhe sot pas tre vitesh nga nisja e lidhjes së tyre, balerinit i shkëlqejnë sytë kur ata janë bashkë.
Elhaida Dani: Në momentet që ne nuk ishim bashkë, me javë të tëra Ledi nuk më fliste. Tipik shqiptar. Nuk më fliste fare, nuk më shihte me sy dhe unë thoja ky ka ndonjë problem me mua dhe urren gjithë stafin që e ka vënë me mua. Do ketë ndonjë problem që nuk më flet gjatë provave, më fliste vetëm kur kishim shfaqjen. I disiplinuar. Ky miksim shqiptar me pak rus, se është rritur në Azerbajxhan, më çorientoi fare. Kur filloj kërcimi, çdo njeri nga nata e parë mendoi se ishim të lidhur, ndërkohë ne secili në punën tonë.
Ndodhi gjatë provave nga mesi i spektaklit, ishte një ditë që duhet të rrinim gjithë ditën në TV, unë dhe Ledi nuk flisnim, po këtë ditë ishte shumë i lumtur, dhe më thotë që a mund të vijë të marrë, meqë kemi 1-2 orë të lirë, ikim pijmë një kafe këtej afër. Dhe unë i them mirë. Unë vija nga një mentalitet tjetër dhe tani që jetoj në Tiranë e kam kuptuar që duhet të jesh më e kujdesshme. I them mirë, se në fund të ditës ishte partneri im, ndanim provat bashkë, çfarë të keqe ka.
Ledi ishte shumë i lumtur kur më rrëfeu gjithçka. Më thotë “Elhajda, unë nuk jam më në një lidhje. Unë për ty kam ndjenja sa nuk di më as vetë ta mbaj, nuk më kërcehet, nuk më haet, nuk më pihet, nuk mundem më, dua të ta them, nuk mundem më, nëse t’i më thua që ndjen gjysmën e saj qe ndjej unë, do të të të bëj njeriun më të lumtur në botë.
Ledi për mua është një ndër gjerat që dua më shumë. Sa herë e shoh (përlotet)… Sa herë e shoh dhe ai futet te një dhomë që jam unë, i ndrijnë sytë akoma pas tre vitesh dhe më bën të kuptoj që është shumë e thjeshtë, më e thjeshtë seç mendojmë.
