Ndryshe nga disa prej të rinjëve shqiptarë që u maskuan frikshëm për festën e Halloween, fëmijët në qytetin e Lezhës kanë zgjedhur të vishen si engjëj e shenjtorë.
Së bashku ata bënë një marshim nga qendra e qytetit drejt Katedrales së ‘Shën Nikollit’. Ky marshim përkon edhe me një festë të besimtarëve të krishterë!
“Kisha katolike kremton më 1 nëntor Festën e gjithe shenjtoreve, për ata që jane shpallur shenjter, por dhe ata qe kane jetuar si shenjter. Ne sot nuk festojme Hallouinin por ne festojme jeten dhe jo vdekjen”, tha Dom Frano Çivljak në një intervistë për mediat.
“Unë jam veshur si Shën Pjetri dhe ndjehem shumë mirë. Unë jam vesh si Zoja e bekuar, ndjehem shumë mirë”, thane disa nga fëmijët.
Dita e nesërme, 2 nëntor në kalendarin liturgjik njihet si Dita e Shpirtrave që i kushtohet kujtimit të të ndjerve.
