Një automjet zjarrfikës është përfshirë nga flakët gjatë një operacioni për shuarjen e një zjarri në fshatin Jaran, njësia administrative Bajzë, në Malësi të Madhe.
Ngjarja ka ndodhur teksa ekipi zjarrfikës po përpiqej të izolonte vatrën e zjarrit, por për shkak të erës së fortë, flakët janë përhapur me shpejtësi dhe kanë përfshirë automjetin.
Një zjarrfikës ka pësuar djegie dhe është dërguar në spital, ku ndodhet jashtë rrezikut për jetën.
Në ndihmë të tyre kanë mbërritur edhe tre mjete të tjera zjarrfikëse, të cilat kanë arritur të vënë nën kontroll zjarrin dhe të shmangin një rrezik të madh për zonën përreth.
Autoritetet lokale po hetojnë për të përcaktuar shkakun e zjarrit.
Ndërkohë, Malësia e Madhe vazhdon të mbetet bashkia me numrin më të lartë të vatrave të zjarrit në Qarkun e Shkodrës.
