Policia njoftoi sot se ka shpallur në kërkim një 56-vjeçar nga Lushnja, i cili pretendohet se ka krijuar një llogari të rreme në rrjetet sociale për të manipuluar të rinj dhe të reja, duke i kërkuar të dërgojnë foto intime.
I.Ç., dyshohet se ka krijuar një profil në emër të një vajze 26-vjeçare dhe komunikon me individë të ndryshëm, nga të cilët kërkon foto intime për t’i shantazhuar më pas.
Ai ende vijon të jetë në kërkim!
“Specialistët e Seksionit për Hetimin e Krimeve Kibernetike shpallën në kërkim shtetasin I. Ç., 56 vjeç, banues në Lushnjë, pasi dyshohet se ka krijuar një llogari në rrjetet sociale, në emër të një 26-vjeçareje, dhe ka komunikuar me persona të ndryshëm duke kërkuar foto intime. Materialet procedurale iu referuan Prokurorisë së Fierit për veprime të mëtejshme,” thuhet në njoftimin e policisë.
