Milani fiton me përmbysje Superkupën e Italisë, duke mposhtur 2-3 Interin në një ndeshje super emocionuese! Dy skuadrat rivale të përbetuara italiane ishin të dyja spektakolare në Riad.
Në 45 minutat e para të luajtura në “King Saud University Stadium”, kuqezinjtë u treguan më konkretë në zonën e kundërshtarit, por pa arritur të konkretizonin.
Fundi i pjesës së parë ishte i hidhur për Milanin. Lautaro Martinez shënoi një gol të bukur dhe Interi mori avantazhin 1-0. Pjesa e dytë nisi me shumë ritëm, me Interin që shënoi edhe golin e dytë.
Taremi shënoi në të 47′ dhe u duk sikur Interi e hipotekoi fitoren, por ndodhi e kundërta. Theo Hernandez shënoi në minutën e 52-të duke shtuar ethet e takimit. Interi u përpoq të menaxhonte lojën, por ishte e pamundur.
Pulsic në të 80′ me asist nga Theo Hernandez shënoi golin e barazimit, duke treguar se Milani nuk dorëzohet kurrë dhe e meritonte të shkonte deri në fund. Në sekondat e fundit të takimit, Abraham bëri mrekullinë duke realizuar përmbysjen që nuk e priste askush. 2-3 dhe lotë në fushë gjatë festës!
