Kryeministri Edi Rama ka reaguar pas lajmit të trishtë të ndarjes nga jeta të publicistit të njohur, politikanit dhe historianit, Artan Lame.
Rama i shpreh ngushëllimet e tij familjes Lame, bashkëshortes Mirela, djalit të tyre dhe miqve të përbashkët.
“I pabesueshëm, po fatkeqësisht i vërtetë lajmi i befasishëm i ndarjes nga jeta të Artan Lames. Jam pa fjalë. Ngushëllime Mirelës, djalit të tyre dhe familjes e shokëve të përbashkët”, shkruan Rama në postimin e tij.
Një ndër zërat më të njohur të jetës aktive politike në vend, Lame është ndarë nga jeta ditën e sotme në moshën 58-vjeçare në një spital në Mynih të Gjermanisë pas një ndërhyrje të vështirë në zemër.
