E Ngarkuara me Punë e SHBA Nancy VanHorn është takuar me deputetët e rinj të Partisë Socialiste dhe Partisë Demokratike.
Në një postim në faqen zyrtare të ambasadaës amerikane, theksohet se deputetët e rinj dhe VanHorn do të udhëtojnë drejt SHBA në kuadër të Programit Ndërkombëtar të Vizitorëve Udhëheqës.
Forcimi i bashkëpunimit SHBA-Shqipëri dhe çuarja përpara e zhvillimit ekonomik është arsyeja e këtij takimi dhe udhëtimit të ligjvënësve të rinj drejt Amerikës.
“Këtë javë, e Ngarkuara me Punë Nancy VanHorn u takua me deputetë të rinj nga Partia Socialiste dhe Partia Demokratike për t’i përgëzuar ata teksa nisin Programin Ndërkombëtar të Vizitorëve Udhëheqës (IVLP). Ata do të udhëtojnë së bashku në Ëashington, DC; Phoenix, Arizona; dhe Pensacola, Florida, për të forcuar bashkëpunimin SHBA–Shqipëri mbi prioritete të përbashkëta, si nxitja e lidhjeve tregtare, çuarja përpara e zhvillimit ekonomik transparent dhe mbrojtja e infrastrukturës kritike përmes përpjekjeve ndërpartiake”, thuhet në njoftimin e ambasadës.
