Meteorologia Lajda Porja paralajmëron se java e parë e tetorit do të sjellë reshje intensive shiu dhe ulje temperaturash.
Deri të martën mot i qëndrueshëm me vranësira dhe reshje të pakta.
Nga e mërkura deri të premten reshje të forta dhe rrebeshe në disa zona.
Temperaturat do të bien ndjeshëm: deri në -1°C në zonat malore.
Në veriun e thellë dhe veriverilindje priten reshjet e para të dëborës.
Tetori pritet të jetë me reshje të shpeshta shiu dhe herë pas here dëbore, duke sjellë nuanca dimri që në ditët e para të muajit.
Ndërkohë, të enjten dhe të premten do të kemi reshjet e para të dëborës, kryesisht në zonat e veriverilindjes dhe në zonat e thella malore.
“Duke nisur që nga dita e mërkurë edhe ditët e tjera të tetorit, do të futemi zyrtarisht në stinën e vjeshtës. Gjatë tetorit do të kemi prezencë të madhe të reshjeve të shiut dhe herë pas here dhe reshje dëbore”, tha Lajda.
Gjithashtu nuk do të mungojnë as ditët me diell, por do të jenë më të pakta krahasuar me ditët që kemi kaluar përgjatë shtatorit.
