Ish-mbrojtësi i krahut i Real Madridit, Royston Drenthe ka vënë në shënjestër trajnerin e Fenerbahçe, Jose Mourinho.
Drenthe ishte i pakënaqur me mënyrën se si u trajtua te Real dhe sesi Mourinho, atëherë trajneri i Madridit, e trajtoi situatën në atë kohë.
Ai kujtoi për podkastin e The Wild Project: “Në fillim ishim mirë, por kur u ktheva nga Hercules (në huazim)… Ishin katër lojtarë në dhomat e zhveshjes që nuk mund të stërviteshin me ekipin për budallallëqe”.
I pyetur nëse shkonte mirë me Mourinhon si person, Drenthe u përgjigj:
“Nuk e di. Nuk mund të punoja më me të. Në fillim gjithçka ishte mirë, shkuam në fazën parapërgatitore në Los Angeles dhe unë dhe Marcelo luajtëm së bashku.
“Më pas Marcelo u dëmtua dhe unë duhej të luaja të gjithë para-sezonin, gjithçka shkoi mirë. Nuk e di pse ata nënshkruan me Fabio Coentrao sepse Mou më tha se nëse do të vazhdoja të stërvitesha dhe të luaja kështu, nuk do të duhej të shqetësohesha”.
Fatkeqësisht, nuk kaloi shumë kohë dhe gjithçka ndryshoi:
“Pastaj në tre ditët e fundit më erdhi drejtuesi Jorge Valdano për të më thënë se do të ishte më mirë të shkoja në huazim, nuk erdhi trajneri, erdhi Valdano.
“E pyeta trajnerin, por ai nuk kishte b*** të më thoshte gjëra, më tha se ishin drejtuesit, Valdano e të tjerët, se nuk kishte lidhje ai me vendimin”.
