Thiago Motta prezantoi Torino-Juventus, ndeshje e vlefshme për javën e 20-të të Serie A, e planifikuar për t’u luajtur nesër prej orës 18:00.
Çfarë gare prisni nesër?
Si gjithmonë do të jetë një ndeshje e komplikuar. Do të jetë një ndeshje e veçantë për ne, për tifozët dhe klubin. Mezi presim të futemi në fushë, është një ndeshje që duam ta fitojmë. Pastaj, unë i kuptoj të gjitha këndvështrimet. Në këto 26 ndeshje të luajtura për këtë sezon kemi humbur vetëm 2 herë, edhe pse me një ekip shumë të ri. Kemi luajtur disa ndeshje të mira, me disa barazime dhe disa lëndime, por dua t’i falënderoj edhe një herë këta djem për rrugëtimin e bërë.
Cili do të jetë formacioni startues?
Nuk e kemi Locatellin për këtë ndeshje, startuesit do t’i shihni nesër.
Si mund ta shpjegojmë këtë mungesë të vazhdimësisë së rezultateve?
Është nevoja jonë për të siguruar vazhdimësi në fitore. Ky është angazhimi ynë i përditshëm, për t’i arritur rezultatet pozitive.
Na thoni diçka rreth Douglas Luiz…
Ai është lojtar i nivelit të lartë dhe mund të luajë në tri pozicione; di të shënojë dhe japë si duhet pasimin e fundit. Po kështu, mund të bëjë më mirë në fazën mbrojtëse. Mund të luajë në të tria pozicionet ku e përdorim ne.
Pse e keni humbur qëndrueshmërinë mbrojtëse?
Ne pësojmë gola, sepse gabojmë, por kjo është edhe falë kundërshtarëve. Duhet të bëjmë më pak gabime, të krijojmë më shumë dhe të finalizojmë më mirë për të provuar të fitojmë.
A e prisnit polemikën për frazën tuaj mbi obsesionin për të fituar?
Nevoja jonë është të fitojmë dhe e dimë mirë. Unë thashë se e zgjodha këtë profesion për të fituar dhe këtu nuk ka polemika. Për të arritur fitoren sot, nevojitet shumë punë për të bërë. Kjo është ajo që ne të gjithë duam.
Situata me Danilo…
Unë jam përgjigjur tashmë për Danilon dhe kam qenë shumë i qartë.
A po mendoni për merkaton?
Vëmendja jonë është vetëm te ndeshja e nesërme. Duam të bëjmë paraqitje të shkëlqyer, sepse është një ndeshje që ne dhe tifozët tanë e ndjejmë shumë. Është një ndeshje që duam ta fitojmë.
Si është situata me të lënduarit? Çfarë prisni nga Torino?
Ne presim Torinon më të mirë. Bremer, Vlahovic, Conceicao, Milik, Cabal dhe Locatelli nuk do të jenë gati për nesër.
