Gjykata Kundër Korrupsionit dhe Krimit të Organizuar ka nxjerrë detaje të reja në lidhje me kontrollet që janë kryer në shtëpitë e motrave Giovanna dhe Alda Nikolli.
Kontrolli është realizuar pas një urdhri të Gjykatës së Posaçme, si pjesë e hetimeve për shpërthimin e një sasie tritoli që ndodhi 9 muaj më parë në derën e apartamentit të motrave Nikolli, ku humbi jetën fqinji i tyre, Enea Thomaraj.
Sipas burimeve nga “News 24”, janë realizuar kontrolle në dy banesat e motrave Nikolli dhe në shtëpinë e prindërve të tyre në qytetin e Elbasanit. Gjatë kontrolleve, janë sekuestruar celularët e motrave Nikolli dhe të prindërve të tyre, si pjesë e hetimeve të mëtejshme.
Ngjarja tragjike, ku Enea Thomaraj humbi jetën, ka krijuar dyshime për mundësinë e lidhjes së motrave Nikolli me shpërthimin.
Për më tepër, gjatë kontrollit, kur motrat ishin duke u larguar nga banesa dhe ishin futur në një automjet BMW X1 të drejtuar nga babai i tyre, forcat policore i ndaluan dhe i informuan për urdhrin e gjykatës për kontrollin e banesave.
Xhovana Nikolli njihet për raportin e saj me Amarildo Nikollin, i njohur si vrasës me pagesë, i cili u arrestua në gusht të vitit 2023 në Vlorë, nën akuzën për vrasës me pagesë, ndërsa dyshohet se ka dijeni për tritolin e vendosur nga i burgosuri.
Ndërsa, motra e saj, Alda Nikolli, ka qenë në lidhje gjithashtu me vrasësin me pagesë, Nuredin Dumani, gjatë kohës që ky i fundit ndodhej në burg.
Ngjarja e rëndë ka ndodhur më 14 korrik 2024, ku shpërthimi dera e familjes Thomaraj u shemb duke lënë në plagosur djalin e madh Enean, i cili ndërroi jetë pas 4 muajsh në spitalin e Traumës.
