Vjena është përfshirë nga moti i keq, me ngrica të forta që kanë shkaktuar mbylljen e aeroportit. Një shtresë akulli e formuar në pistat e aeroportit ka bërë që autoritetet të kufizojnë fluturimet për në Aeroportin e Vjenës dhe të devijojnë disa fluturime në aeroporte të tjera.
Ekipet e emergjencës janë angazhuar për të pastruar pistën dhe për të mundësuar rifillimin e fluturimeve, por lëvizjet e avionëve mbeten të kufizuara. Autoritetet kanë bërë thirrje për kujdes dhe paralajmërojnë pasagjerët të kontrollojnë fluturimet e tyre përpara nisjes.
Gjithashtu, gjatë ditës janë raportuar kufizime në lëvizjen e automjeteve dhe ka pasur vonesa të rëndësishme në qarkullim. Moti i keq po vazhdon të ketë ndikim të gjerë në rajon, dhe autoritetet janë duke monitoruar situatën për çdo zhvillim të mundshëm.
