Delegacioni i Bashkimit Evropian në Tiranë ka reaguar për situatën e rëndë të përmbytjeve që kanë goditur disa zona të vendit, duke shprehur shqetësim dhe gatishmëri për të ofruar ndihmë.
Në një njoftim publik, Delegacioni thotë se Drejtoria e Përgjithshme e BE-së për Mbrojtjen Civile dhe Ndihmën Humanitare (DG ECHO) është në komunikim të vazhdueshëm me autoritetet shqiptare, ndërsa po shpërndahen informacione dhe pamje nga sateliti evropian Copernicus për të vlerësuar dëmet.
“Së bashku me vendet anëtare, Bashkimi Evropian është i gatshëm të mbështesë popullin shqiptar për përballimin e kushteve ekstreme atmosferike, përfshirë përmes Mekanizmit të Mbrojtjes Civile të BE-së”, thuhet në deklaratë.
