Rreshje të shumta kanë pushtuar verilindjen e Australisë, ku si pasojë kanë shkaktuar përmbytje të mëdha.Përmbytjet e mëdha kanë prekur bregdetin e Queensland-it të Veriut, ku personave u është kërkuar të evakuohen menjëherë.
Nga kjo situatë e krijuar, një grua mësohet se ka humbur jetën mëngjesin e sotëm, e cila ishte duke udhëtuar me varkën e shpëtimit dhe është përplasur me një pemë. Burimet nga Koordinatori Shtetëror i Fatkeqësive bëjnë me dije se në varkë ishin dhe pesë persona të tjerë, por fatmirësisht arritën t’i mbijetonin kësaj ngjarje.
Sakaq, në një reagim në rrjetin e tij social “X”, kryeministri Anthony Albanaese ka shprehur ngushëllimet për familjen e viktimës.Gjithashtu, Grupi Lokal i Menaxhimit të Fatkeqësive në Townsville, shprehen se sasia e ujit po rritet dhe do të ketë përmbytje të rrezikshme, kërcënuese për jetën “Nëse nuk largoheni mund të bëhet shumë e rrezikshme që shërbimet e urgjencës t’ju shpëtojnë”, shprehet Grupi Lokal i Menaxhimit të Fatkeqësive.
