TIRANË – Ashtu sikurse kishte paralajmëruar Partia Demokratike nisi në orën 17:00 protestën me bllokimin e rrugëve kryesore ne kryeqytet, në vazhdën e aksionit të mosbindjes civile. Përplasjet dhe tensionet janë tek Bashkia, sheshi Willson, Rruga e Elbasanit e Pallati me Shigjeta.
Deputetët e PD-së synojnë të bllokojnë rrugët por kjo po kërkohet të ndalohet nga policia e cila me megafon i bën thirrje të largohen pasi po kryejnë ‘vepër penale’. Ndërkohë deputetët e PD-së thonë se po u shkelet e drejta e tyre kushtetuese për të protestuar.
Në disa momente pati përplasje mes deputetëve dhe policisë. Tek ‘Rruga e Elbasanit’, Flamur Noka ka goditur me grushta e shkelma policinë. Ndërsa Bylykbashi kërcënoi efektivët me kallëzim penal.
Përplasje ka pasur edhe tek bashkia, ku policia ka ndërhyrë një autobot me ujë dhe lëndë djegëse.
Dy protestues nuk janë ndjerë mirë dhe u ka rënë të fikët.
Gazment Bardhi ka debatuar me policët gjatë protestës në sheshin Willson.
Bardhi: Asnjë arsye as për të dhunuar, as rrethuar deputetë e opozitës me forca speciale. Ne nuk jemi kriminelë, nëse ju keni forcë ekzekutoni urdhërarrestet për bandën e Elbasanit, se keni kap vetëm 5 nga 19. A ke forcë, shko kap bandën e Elbasanit. Këta janë kundër popullit qytetarëve dhe deputetëve të opozitës.
Protestës i është bashkuar edhe Tedi Blushi i Partisë së Lirisë.
Në një prononcim për mediat, Blushi tha se nuk ka kthim nga beteja për të çmontuar regjimin kriminal. Blushi thotë se policia ka marrë urdhër për të dhunuar opozitën e qytetarët.
Prononcimit iu bashkua edhe deputeti i PD, Luan Baçi, i cili i bën thirrje policisë të mos provokojnë qytetarët.
“Proda e ministri të tërheqin policët, mos të provokojnë qytetarët e deputetë. S’ka kthim pas kjo punë derisa qytetarët të largohen vetë. Ne këtu jemi, autoboti të bëjë punë e vet”, tha Baçi.
“Deputetë po dhunohen, gazetarët po dhunohen, ishte një grua shtazën aty që po dhunohej, kanë marrë urdhër për të dhunuar opozitën, ta harrojnë se do ikim nga ky shesh. Betejë pa kthim deri në çmontimin e këtij regjimin kriminal, që dhunon gra shtatzënë, të moshuar e gazetarë. Nuk shkojnë të kapin autorët e masakrës të Shkodrës, e bandat në Elbasan”, tha Blushi.
Ndërsa Flamur Noka, i cili ndodhet tek rruga e Elbasanit, pranë xhamisë së Namazgjasë, hodhi akuza ndaj policisë dhe ministrisë ë Shëndetësisë, që sipas tij dërgojnë ambulanc pranë protestuesve.
‘Një ambulancë duhej për Martin Canin. Jo e çuan në Spital Ushtarak, shikoni gjithë këto urgjenca. Ka fytyrë më çnjerëzore se kjo e këtyre. Po minstri i Shëndetësisë është kjo. Këta janë bandë. E patë policinë e Ilir Prodës. Ishin edhe babai edhe mamaja ishin kontributor të drejtësisë së re, pjesë e shtabit të Rilindjes. Kjo është policia, kjo është fytyra, fytyra është tek fshehja e provave të krimit. Për të luftuar opozitën, për të ushtruar dhunë janë famëkeqi Sokol Bizhga, Neritan Nallbati”, tha Noka.
Noka ndërpreu fjalën më pas për shkak të ezanit që vinte nga xhamia e Namazgjasë.
