Detaje të reja janë zbardhur nga ngjarja e pa precedente që tronditi ditën e djeshme qytetin e Beratit, dhe jo vetëm, ku në lagjen “Kala” mbeti i vrarë 42-vjeçari Keli Hoxha.
Sipas burimeve zyrtare nga Policia e Beratit bëhet me dije se autori, 63-vjeçari Kristo Mema (alias Kontandin Hoxha) ,pasi ka parë viktimën Keli Hoxha që preku me dorë kalin i ka thënë që mos ta prekte më pasi kali, sipas tij nuk ishte mirë dhe ishte i acaruar.
“Mos e prek kalin se është i acaruar sot”, citohet të ketë thënë autori. I cili ka dëshmuar në polici se pasi ka thënë këtë, viktima e ka kundërshtuar, e ka sharë nga familja dhe ofenduar. Më pas ai dëshmon se në gjakënxehtësi e sipër, ka marrë thikën të cilën e mbante të fshehur në samarin e kalit dhe e ka qëlluar. Më vonë nga frika autori deklaron së ka shkuar në banesë,ka lidhur kalin në kasolle,ka marrë disa ushqime dhe u fsheh në një nga shpellat e kalasë,për ti shpëtuar policisë.
Nga ana tjetër familjarët e viktimës, kanë dëshmuar në polici se sherri filloi vetëm sepse viktima kishte prekur kalin, dhe sipas tyre ai as nuk kishte sharrë e ofenduar Kristo Memën, por thjeshtë i ishte përgjigjur “ska asgjë të keqe”.
Kujtojmë se Ngjarja e rëndë ndodhi rreth orës 15:30 të pasdites së djeshme në lagjen “Kala” në Berat.Viktima Keli Hoxha,42-vjeç,banues në Tiranë dhe lindur në Tropojë,nuk mundi dot ti mbijetojë plagëve të marra dhe gjeti vdekjen sapo mbërriti në Spitalin Rajonal Berat.
Autori u kap disa orë më vonë,i fshehur në “shpellën e memecit”,pranë Kishës së Shën Mëhillit. Keli Hoxha u vra në sy të dy fëmijëve, gruas dhe nënës së tij. Vlen të përmendet se autori i ngjarjes, 63-vjeçari Mema është një person me precedent të mëparshëm penal, pasi rezulton të jetë dënuar me 25 vite burg për një vrasje në Greqi, të ndodhur po 25 vite më parë.
