Ministria e Infrastrukturës dhe Transportit në Itali ka miratuar një dekret të ri, i cili parashikon vendosjen e targave identifikuese për monopatinat elektrike, sipas rregullave të Kodit të Ri Rrugor.
Ky vendim është njoftuar nga agjencia Ansa dhe është një hap i rëndësishëm për një mobilitet urban më të sigurt. Targa do të jetë një stike plastike që nuk hiqet dhe do të lidhet me përdoruesin, jo me mjetin. Ajo do të vendoset në mënyrë të dukshme dhe të përhershme, kryesisht në mbrojtësen e pasme të monopatinës, ose në pjesën e përparme nëse nuk ka hapësirë në pjesën e pasme, dhe duhet të jetë në një lartësi midis 20 cm dhe 1.20 metra nga toka.
Brenda targës do të jetë shkrimi “M.E.F.” dhe emblemë e Republikës Italiane. Ky dekreti hyn në fuqi dy javë pas publikimit në Fletoren Zyrtare dhe do të përcaktohen gjithashtu edhe masat ligjore të zbatimit. Dekreti zbatohet në kuadër të ligjit 177/2024, i cili parashikon edhe detyrimin e përdorimit të helmetës nga personat mbi 18 vjeç.
Përdoruesit e monopatinave do të kenë obligimin të pajisin mjetet e tyre me këto targa, duke mundësuar kontroll më efektiv në rast shkeljesh. Ministria e Infrastrukturës është duke biseduar me institucionet e tjera për kostot dhe çmimin e targave, duke synuar tarifa të arsyeshme për qytetarët.
Ky dekreti është gjithashtu një hap i parë për të detyruar sigurimin Rca për monopatinat dhe për të forcuar kontrollet rrugore. Në Shqipëri, megjithatë, nuk ka ende asnjë projektligj për targa në monopatina, pavarësisht se aksdentet kanë qenë të shpeshta.
