Igor Tudor e ka nisur me këmbë të mbarë te Juventus. Në ndeshjen e tij të parë në krye të stolit, bardhezinjtë fituan në “Allianz Stadium” 1-0 ndaj Genoa-s, ndeshje e vlefshme për javën e 30-të në Serie A.
Golin e vetëm të takimit e shënoi turku Kenan Yildiz në minutën e 25-të. Pas topit të marrë nga një rivënie anësore, Yildiz depërton bukur në krah dhe shënon një gol shumë të bukur. SHIKGOLIN
Pas kësaj fitoreje, Juventus mbetet në vend të pestë me 55 pikë, një pikë më pak se Bologna e vendit të katërt, e cila ka një ndeshje më pak. Synimi i bardhezinjve është piëkrisht vendi i katërt, që i dërgon në Champions për sezonin e ri. Tudor do të jetë trajneri i Juventus deri në fund të sezonit, pastaj mbetet për t’u parë nëse drejtuesit bardhezi do të ndryshojnë mendim për kroatin.
