Takimi i Donald Trump dhe Volodymyr Zelensky në bazilikën e Shën Pjetrit në Vatikan, pak para funeralit të Papa Françeskut, mori vëmendjen e gjithë botës.
Media amerikane Axios ka zbuluar edhe diskutimet që dy liderët patën, menjëherë pas të cilavë, qëndrimi I Trump ndaj Vladimir Putin u bë më I ashpër.
Volodymyr Zelensky shfrytëzoi rastin për të përsëritur qëndrimin e tij të hershëm se se presioni dhe një qëndrim më i ashpër janë të nevojshëm kundër Putin në mënyrë që ai të pranojë një armëpushim përfundimtar dhe pa kushte.
Sipas Axios, takimi ndau këshilltarët e Zelensky, disa prej të cilëve e kundërshtuan, pas përplasjes së ashpër që ndodhi në Zyrën Ovale gjatë vizitës së liderit ukrainas në Uashington në shkurt.
Megjithatë, presidenti ukrainas u largua me ndjesinë se për herë të parë kishte arritur të ndryshonte mendimin e Trump në lidhje me presidentin rus.
Pasi u takua më Zelenskyn, teksa kthehej në SHBA, Trump kritikoi presidentin rus.
Ai tha ngriti dyshime se Putin nuk dëshiron ta ndalojë luftën dhye la të hapur mundësinë për sanksione të reja ndaj Moskës.
Në takimin e shkurtër në Bazilikën e Shën Pjetrit, Zelensky përsëriti se Putin nuk do të tërhiqej nëse presioni nga Shtetet e Bashkuara nuk rritet. Ai theksoi se Kievi e ka pranuar me kohë propozimin fillestar të Trump për një armëpushim pa kushte, pork a qenë Rusia ajo që ka refuzuar vazhdimisht.
Sipas Axios, Trump dukej se ishte dakord në parim, megjithëse Shtëpia e Bardhë nuk pranoi të komentonte mbi përmbajtjen e takimit.
Zelensky gjithashtu përsëriti se ai kurrë nuk do ta pranonte njohjen e Krimesë si tokë, por Trump I tha se ai nuk po kërkon një gjë të tillë. Plani i paqes i SHBA ka të bëjë me njohjen amerikane, jo ukrainase, theksoi presidenti amerikan.
Mungesa e Zëvendëspresidentit JD Vance dhe e të dërguarit Steve Ëitkoff, figura që ukrainasit i konsiderojnë më miqësore ndaj Rusisë, duket se ka kontribuar në atmosferën më pozitive të këtij kontakti.
