Ministri i Transportit i Turqisë, Abdulkadir Uraloglu, është gjobitur pasi publikoi një video ku shihej duke drejtuar një “Audi” me 225 km/h në autostradë, gati dyfish mbi kufirin e lejuar.
Pamjet janë regjistruar rreth 50 kilometra larg Ankarasë, në një segment rrugor ku shpejtësia maksimale e lejuar është 140 km/h. Për shkeljen e rregullave të qarkullimit, ministrit iu vendos një gjobë prej 9,267 lirash turke, që përkthehet në rreth 280 dollarë.
Pas valës së kritikave dhe komenteve ironike që u shpërndanë në rrjetet sociale, Uraloglu reagoi duke kërkuar falje publike.
