Milan ka fituar në ndeshjen e kthimit 0-3 ndaj Interit në “San Siro” dhe siguron biletën për finalen e Kupës së Italisë. Ndeshja e parë kishte përfunduar në barazim 1-1, ndërsa sot kuqezinjtë fituan 0-2.
Inter e mbyll këtu aventurën për Kupën e Italisë, ditë jo të mira për zikaltrit të cilët fundjavën e kaluar u mundën 1-0 në fund nga Bologna, duke e komplikuar shumë rrugën drejt titullit në Serie A dhe tani janë me pikë të barabarta me Napolin, ndërsa sot ka ardhur edhe eliminimi nga rivali historik në Kupë.
Përsa i përket takimit të sotëm, minutat e para kanë folur për zikaltrit, të cilët iu afruan edhe golit në minutën e 22-të, por goditja e Dimarco u ndal në traversë.
Në minutën e 35-të u zhbllokua rezultati, Milan gjen golin me Luka Jovic. Sulmuesi serb shënon me kokë pas krosimit të marrë nga Alejandro Jimenez. Pjesa e parë u mbyll 0-1 për kuqezinjtë.
Milan e ka nisur mjaft mirë pjesën e dytë, pasi ka arritur të shënojë edhe golin e dytë në minutën e 49-të. ishte sërish Luka Jovic që dërgoi topin në rrjetë pas krosimit nga goditja e këndit nga Theo Hernandez. Sulmuesi serb përfitoi nga një mbulim jo mirë nga mbrojtësit zikaltër dhe shënoi golin e dytë për Milan dhe të dytin personal për sonte.
Në minutën e 85-të, Milan do të shënonte edhe golin e tretë me Tijjani Reijnders, holandezi do të shënonte pas asistit të bukur të Rafa Leao-s. Milan fiton përfundimisht 0-3 dhe shkon në finale.
Kuqezinjtë do të mësojnë nesër finalistin tjetër që do të kenë përballë në finale. Bologna përballet me Empoli-n, ndeshjen e parë ekipi i drejtuar nga Vincenzo Italian ka fituar 3-0 dhe me 99% do jenë pikërisht ata në finalen e madhe ndaj Milanit.
