Partia Demokratike arriti një fitore të ngushtë në qarkun e Lezhës, duke marrë 45.1% të votave, përballë 42.2% të Partisë Socialiste.
Si pasojë e këtij rezultati, koalicioni opozitar siguroi 4 mandate, ndërsa Partia Socialiste fitoi 3 mandate. Në radhët e socialistëve, pati një garë të fortë brenda listës së hapur deri në momentin e fundit.
Fituesja e kësaj gare ishte mësuesja Marjeta Neli, e cila mori 6,745 vota dhe siguroi një vend në legjislaturën e ardhshme të Kuvendit. Pas saj u renditën Admir Kadeli me 5,600 vota dhe Pranvera Skana me 5,531 vota.
Me këtë rezultat, Marjeta Neli do t’u bashkohet deputetëve Ulsi Manja dhe Ermal Pacaj, të cilët ishin pjesë e listës së mbyllur të PS.
