Lionel Messi ka treguar një anë shumë personale në një intervistë për Luzu TV, ku foli hapur për disa nga “tekat” e tij dhe për mënyrën si është larg fushës së futbollit.
“Jam shumë i çuditshëm… Më pëlqen shumë të jem vetëm, e shijoj vetminë,” u shpreh ai. Messi shtoi se rrëmuja në shtëpi, me tre fëmijët që vrapojnë gjithandej, e lodh dhe e “mbingarkon”, ndaj herë pas here ka nevojë për një moment qetësie.
Ylli argjentinas pranoi gjithashtu se nuk e ka të lehtë të përballet me pengesa ose me ndryshime të papritura të planeve: “Jam shumë i strukturuar. Nëse e kam organizuar ditën në një mënyrë dhe në mes ndodh diçka që ma ndryshon gjithçka…”, tha ai, duke lënë të kuptohet se këto situata e nxjerrin nga ritmi.
I pyetur se çfarë gjërash e bëjnë të ndihet “i çuditshëm”, Messi ia la përgjigjen partneres së tij: “Antonella mund të thotë shumë më tepër se unë. Varet shumë nga humori im, edhe për gjëra të vogla, budallallëqe,” u shpreh ai.
