Legjenda argjentinase Lionel Messi ka zbuluar kushtin e tij të vetëm për t’u rikthyer te Barcelona. Marrëdhënia mes palëve mbetet shumë e ndërlikuar, dhe sipas raportimeve të Elgoldigital, burime të afërta me lojtarin kanë bërë të ditur se 38-vjeçari është gati të kthehet në Katalonjë vetëm kur presidenti aktual i klubit, Joan Laporta, të largohet nga posti i tij.
Marrëdhënia mes Messit dhe Laportës u përkeqësua pas verës së vitit 2021, kur lojtari refuzoi të rinovonte kontratën me Barcelonën, vendim që shkaktoi zhgënjim dhe tension brenda klubit.
“Leo dëshiron të kthehet, por jo sa kohë që Laporta është në klub,” – kanë deklaruar burime pranë tij.
Kontrata e Messit me Inter Miami skadon më 31 dhjetor 2025, dhe deri tani ai nuk e ka zgjatur marrëveshjen. Megjithatë, shumë analistë besojnë se një rinovim është i mundshëm në muajt e ardhshëm.
Ndërkohë, tifozët e Barcelonës vazhdojnë të ëndërrojnë për rikthimin e idolës së tyre, por për momentin, gjithçka varet nga një faktor i vetëm — largimi i Laportës.
