TIRANË – Në katedralen “Shën Pali: këtë mesditë po mbahet një meshë në nder të Papa Fraçeskut, i cili ndërroi jetë 3 ditë më parë, më 21 prill 2025.
Në këtë kremtim po marrin pjesë të gjithë ipeshkvijtë e dioqezave në vendin tonë dhe besimtarë, në lutje për shpirtin e Papa Françeskut.
“Zbuloi se si në kishë jemi të gjithë të dashur nga Zoti dhe dyert e saj duhet të jenë të hapura për të gjithë, për të gjithë”,- theksoi imzot Arjan Dodaj.
E pranishme në meshë ishte edhe e Ngarkuara me Punë e SHBA në Tiranë, Nancy Varnhorn dhe ambasadori i OSBE, Michel Tarran.
Të katërt udhëheqësit fetarë në vendin tonë do të udhëtojnë drejt Vatikanit për të marrë pjesë në ceremoninë e së shtunës, kur në Vatikan do të mblidhet e gjithë bota për t’i dhënë lamtumirën e fundit Papës së të varfërve.
