Mesazhi i Sali Berishës për Deputetët e PD: Roli në Debatet Elektorale
Në një mesazh të dërguar përmes WhatsApp, Sali Berisha ka urdhëruar deputetët dhe anëtarët e Partisë Demokratike të mos shmangin debatet me socialistët, duke theksuar rëndësinë e angazhimit aktiv në këtë vit elektoral. Mesazhi ka përfshirë gjithashtu udhëzime të detajuara mbi strategjinë e komunikimit me publikun dhe mediat.
Përmbatja e mesazhit:
“Mirëmbrëma dhe përshëndetje.
Me këtë mesazh në këtë vit elektoral duhet:
1-Të shfrytezohet çdo mundësi dhe njohuri dhe lidhje për të qenë të pranishëm në debate, konferenca shtypi, prononcime në mediat qendrore dhe lokale.
2-Të mbahen marrëdhëniet më korrekte me gazetarët, dhe analistët.
3-Si parim nuk shmanget asnjë debat me socialistët!
4-Nuk zhvillohet asnjë debat me opozitarët e opozitës. Mos harroni se Edi Rama dhe mediat e kontrolluara prej tij, kërkojnë të zëvendësojnë në debate deputetët dhe ministrat socialistë të diskretituar dhe mëkatar deri në veshë, me opozitar të opozitës, kryetar pa parti, pra të zhvendosin debatin midis opozitës dhe kallp opozitës. Ndaj dhe njëherë cilido që t’ju ftojë në debat me gazetarë, analistë apo përfaqësues të PS nuk duhet të refuzohet. Në asnjë debat me figura kallpe dhe individë të marrë peng nga regjimi për krimet e tyre nuk duhet të marrim pjesë.
5- Para se të shkoni në studio për debat duhet të njoftoni zyren e shtypit, të kërkoni të dhena për çështjet në debat dhe në rast se ka mesazh dite për ju do t’jua nisë!
6- Më e rëndësishmja të kujtohi çdo orë dhe çdo ditë se studio, valët dhe ekrani pa asnjë censurë për ne janë vetem rrjetet tona sociale: Facebook, Instagram, X të cilat çdo orë dhe çdo ditë duhet të kenë vendin më kryesor në komunikimin tonë me qytetarët dhe betejën tonë me narko-regjimin e Edi Ramës!
O sot, o kurrë! Është rradha jonë! Fitore!”
Duket se ky mesazh ka për qëllim mobilizimin e partisë dhe përgatitjen e saj për sfidat elektorale që qëndrojnë përpara.
