Janë zbardhur detja të tjera nga dosja e SPAK që përfshin zëvendëskryeministren Belinda Balluku dhe ish-kreun e ARRSH-së, Evis Berberi, lidhur me tenderin e tunelit të Llogarasë me vlerë rreth 190 milionë euro.
Në një nga bisedat e datës 2 nëntor 2021, Berberi i shkruan Ballukut për organizimin e takimit me Abdulkadir Kart, pronar i “ASL”, të cilin e përmend me humor si “plaku i ASL”. Ai i kërkon zv.kryeministres të caktojë një ditë për takim, duke përmendur se biznesmeni kishte nënën në intubim.
Më tej, në mesazhe flitet për përgatitjen e kontratave dhe mënyrën si do të firmoseshin nga përfaqësuesit turq. Balluku kërkon që procesi të mbyllet me kujdes, duke urdhëruar që “të bëhen 5 foto, por të mos publikohen”.
Në një tjetër komunikim, kur Berberi pyet nëse duhet të jetë i pranishëm gjatë takimit me përfaqësuesin e kompanisë, Balluku i përgjigjet: “Jo jo, e kam vetem që ta vë para përgjegjësisë ‘mustaqen’.”
Nga dosja rezulton gjithashtu se më 5 nëntor 2021, ata diskutojnë për draftin e kontratës dhe regjistrimin e kompanisë fituese në QKB, me Ballukun që kërkon garanci se pagesat do të kryheshin përmes kompanisë që do të regjistrohej në Shqipëri.
