Për disa myslimanë, Fitër Bajrami i këtij viti vjen mes ndryshimeve të rëndësishme në komunitetet e tyre. Në Gaza, ky do të jetë Fitër Bajrami i dytë që nga fillimi i luftës Izrael-Hamas.
Izraeli i dha fund armëpushimit me Hamasin në Gaza duke nisur një valë të papritur sulmesh që vranë qindra njerëz.
Kryeministri izraelit Benjamin Netanyahu urdhëroi sulmet pasi Hamasi refuzoi kërkesat izraelite për të liruar gjysmën e pengjeve të mbetura si parakusht për zgjatjen e armëpushimit.
Në fillim të këtij muaji, Izraeli ndaloi dërgesat e ushqimit, karburantit, ilaçeve dhe furnizimeve të tjera në Gaza, shkruan AP.
Po ashtu sirianët do të festojnë Fitër Bajramin e tyre të parë që nga fundi i më shumë se gjysmë shekulli i sundimit me grusht të hekurt të familjes Assad.
Ramazani i parë i vendit që nga rrëzimi i Bashar Asadit, i cili ishte president, pa shumë sirianë të lehtësuar, por gjithashtu ka dëshmuar një periudhë të përgjakshme dhe shqetësuese dhune në mes të një tranzicioni kompleks.
