Kancelari gjerman Friedrich Mertz deklaroi të martën se shkatërrimi i plotë i programit bërthamor të Iranit mund të jetë një opsion serioz nëse Teherani nuk tërhiqet dhe nuk kthehet në negociata.
Në një intervistë për rrjetin gjerman ZDF, gjatë samitit të G7 në Kanada, Merz theksoi se forcat izraelite nuk kanë kapacitetet ushtarake për të arritur këtë qëllim, ndërsa Shtetet e Bashkuara posedojnë armët e nevojshme për një operacion të tillë.
“Mbrojtja izraelite është qartë e pamjaftueshme për ta realizuar këtë, por amerikanët i kanë mjetet e duhura,” tha Merz.
Ky paralajmërim vjen në një kohë tensioni të lartë në rajon, ku mundësitë për një deeskalim diplomatik janë ende të paqarta.
