Pasi u arrestuan me urdhër të Prokurorisë së Posaçme, zyrtarët e policisë rrugore u morën në pyetje këtë të diel nga agjentët e Byrosë Kombëtare të Hetimit.
Ata u pyetën brenda bllokut të sigurisë, ku qëndrojnë në pritje për të dalë përpara togave të zeza për t’u njohur me masën e sigurisë ndaj tyre.
Shefi i qarkullimit të Tiranës, Roven Zeka, ai i sektorit të aksidenteve, Sokol Novaku, si dhe oficeri i policisë gjyqësore, akuzohen se kanë kryer korrupsion dhe shpërdoruar detyrën.
Sipas SPAK, ata kanë marrë ryshfet nga një grua e përfshirë në një aksident për t’i lehtësuar pozitat ligjore.
