Kryeministrja e Italisë, Giorgia Meloni ka mbërritur tashmë në Shtëpinë e Bardhë për t’u takuar me presidentin Donald Trump. Takimi vjen në një kohë që marrëdhëniet mes SHBA-ve dhe Europës nuk janë në ditët më të mira.
Girogia Meloni është udhëheqësja e parë europiane e cila do të takohet me presidentin amerikan pas sanskioneve që ky i fundit vendosi për të gjitha importet europiane e më gjerë në fillim të këtij muaji.
Trump vendosi tarifa 20% për produktet e BE-së përpara se t’i pezullonte ato për 90 ditë. BE-ja i nënshtrohet një tarife prej 10% të vendosur në shumicën e vendeve të botës që nga 5 prilli.
Meloni i ka përshkruar tarifat e Trump për mallrat e BE-së si “të gabuara”, por ajo duket se po merr një qasje më të kujdesshme pasi menaxhon një veprim delikat balancues midis idealeve të saj politike, të cilat janë më shumë në harmoni me atë të Trumpit, dhe rolit të Italisë brenda BE-së.
Kjo do të jetë vizita e tretë e Melonit në Shtëpinë e Bardhë, me dy rastet e mëparshme gjatë administratës së Joe Biden.
Ajo do të kthehet në Romë me kohë për të takuar të premten zëvendësin e Trump, JD Vance, sulmin e ashpër të të cilit në Evropë në Konferencën e Sigurisë së Mynihut në shkurt ajo e ka mbrojtur.
Vance do të takohet gjithashtu me kardinalin Pietro Parolin, sekretarin e shtetit të Vatikanit, gjatë vizitës së tij në fundjavën e Pashkëve.
