Influencuesja shqiptare 22-vjeçare, Melissa M., e njohur në rrjet si melimtx, ka ndezur polemika të shumta në rrjetet sociale dhe botën e futbollit, pasi zbuloi mesazhe private me Vinicius Jr., Karim Benzema dhe Rafael Leao.
Së fundmi, ajo ka reaguar me anë të një postimi në Instagram, ku shkruan se video ishte e bërë përpara tre vitesh dhe nuk kishte si qëllim të sulmonte asnjërin prej tyre.
“Përshëndetje të gjithëve, e kuptoj plotësisht konfuzionin dhe frustrimin për atë që ka ndodhur së fundmi.
Vetëm për ta sqaruar shpejt: ato biseda janë shumë të vjetra, disa madje janë nga 3 vite më parë.
Nuk i kam ndarë kurrë më parë dhe arsyeja e vetme që e bëra këtë herë ishte sepse po transmetoja në Kick para rreth… maksimumi 100 personash.
Ndjehej vërtet si një moment privat.
Më pyetën thjesht nëse ndonjë lojtar më kishte shkruar ndonjëherë në DM, dhe më bëri të qesh, kështu që thashë ‘po’”, shkruan si fillim modelja.
Më pas ajo shton: “Gjithashtu, unë jam një tifoze e Real Madridit prej vitesh. Shkuarja ime në ndeshje apo mbështetja për ekipin nuk ka të bëjë fare me atë se kush më shkruan mua.
E dua skuadrën për atë që është, jo për shkak të atyre që janë në mesazhet e mia. E kuptoj që mund të jetë dukur konfuze, por kjo është e gjitha.
Dhe më vjen vërtet keq nëse kjo e mërziti dikë apo shkaktoi ndonjë problem, kjo s’ka qenë kurrë qëllimi im, më vjen sinqerisht shumë keq”.
