Befasia e trajnerit Kompany në ndeshjen Bayern-Inter (1-2) mbrëmjen e së martës në Champions League ishte pozicionimi i portugezit Guerreiro si trekuartist.
Me mungesën e yllit Musiala (praktikisht ka humbur sezonin), pritej që pas Harry Kane të luante Muller ose Gnabry, por trajneri belg veproi ndryshe.
Ai mori një vendim të guximshëm dhe të pazakontë, që ngjan me veprimet e papritura të Guardiolës kur punonte te Bayern. Askush nuk e priste, sepse portugezi këtë sezon ka luajtur vetëm një herë në këtë rol.
Ndryshe nga Guerreiro, Muller thuajse gjithmonë ka luajtur si numër 10, pas Harry Kane. Kompany u përpoq të shfajësohej. “Guerreiro ka luajtur edhe më parë dhe madje ka shënuar dy gola në këtë rol”.
“TZ” dhe “Bild” sot shkruan njëzëri se Kompany gaboi. “Guerreiro nuk është trekuartist apo sulmues i dytë. Si mund ta bënte këtë në ndeshjen më të rëndësishme të sezonit?!”
