Në fillimet e karrierës së tij në Barcelonë, një nga momentet më të dukshme për Bardghji ishte paraqitja e tij si zëvendësues në El Clasico, ku Barcelona humbi 2-1 ndaj Real Madridit në Bernabeu. Megjithëse rezultati ishte zhgënjyes për ekipin e tij, ai përshkroi përvojën si një kujtim të paharrueshëm. “Ishte ndeshja më e rëndësishme dhe mund ta ndjeje që përgatitjet ishin të madhe, atmosfera ishte intense gjatë gjithë ndeshjes. Pas përfundimit ndodhi shumë, por unë nuk mora pjesë në sherr. Ka shumë emocione sepse është një ndeshje e rëndësishme dhe një rivalitet i madh,” tha ai për Fotbolskanalen.
Përtej El Clasico-s, Bardghji ka arritur të krijojë momente të spikatura, siç ishte golin e tij spektakolar me një goditje të harkuar gjatë ndeshjes me Olimpiakosin, moment që ai e përshkroi si “të shkëlqyer” dhe që bëri jehonë në mediat sociale. Këto momente kanë forcuar besimin e klubit në aftësitë e tij, pavarësisht konkurrencës të fortë nga Lamine Yamal, një tjetër lojtar shumë i vlerësuar.
Bardghji e shikon kohën e tij në Barcelonë si një proces të vazhdueshëm të të mësuarit, duke thënë: “Po përmirësohem çdo ditë dhe po mësoj shumë.” Barcelona e ka blerë atë nga Kopenhaga për disa milionë euro me mundësi të tjera, duke e cilësuar këtë si një “operacion me rrezik të ulët” për të siguruar një “xhevahir të futbollit suedez.” Mega-klube si Porto dhe Stuttgart kanë shprehur interes për një huazim të tij gjatë tregut të dimrit, por bindja e Bardghji për të qëndruar në Camp Nou tregon se ai beson se zhvillimi i tij është më i favorshëm atje.
Së fundmi, ai ka bërë edhe paraqitjen e tij të parë me ekipin kombëtar të Suedisë, duke theksuar edhe më shumë profilin e tij në futbollin evropian. Hero i ri i Barcelonës, Bardghji, po krijon një rrugëtim të suksesshëm që premton shumë për të ardhmen.
