Ish-kryeministri Sali Berisha në foltoren e Kuvendit ju drejtua socialistëve të pranishëm në sallë që të reagojnë dhe të mos bëhen “kurban” i kryeministrit Edi Rama.
Sipas Berishës të gjithë ata socialistë të cilët nuk kanë lidhje me “Sorosin”, të reagojnë dhe t’i bëjnë bashkë votat për ligjin për desorosizmin e Shqipërisë.
Ndër të tjera, Berisha u ndal dhe te dosja e “Mc Gonigal” për të cilën tha se do të jetë “fundi” i kreut të qeverisë shqiptare. Në vijim të fjalës së tij lideri i demokratëve iu drejtua deputetit socialist, Damian Gjiknuri të cilit i tha se do të dëshmojë lidhur me këtë dosje dhe se e vetmja rrugëzgjidhje që ai ka sipas Berishës është të kthehet në “pentito”.
“Dosja Mc Gonigal ajo po shpërthen. Damian unë e di që ke thënë që të ka urdhëruar Edi Rama por ka një ligj urdhra të paligjshëm mos zbato. Prandja mos kujto se je krejt në një anë. Edhe mbrëmë të doli emri një ministër e shoqëronte. Dosja Mc Gonigal. A e kuptoni ju se keni në krye një njeri i cili korruptoi shefin e kundër-inteligjencës së SHBA dhe një nga ata që bëhu gjahun e shtrigave ndaj Trump.
Çfarë mendoni ju se do të mbyllet ajo> Ajo dosje nuk mbyllet edhe Damian shko ku të duash edhe në Malin atos pot ë shkosh dëshmitarësh do të thirresh për Edi Ramën, Nuk ke ku shkon pa u thirrur sepse është akti më flagrant i korrupsionit i ka dhënë 225 mijë dollar nga zyra e tij. Ato ja ke dhënë ti, s’them që ja ke dhënë t ii ka dërguar me atë tjetrin. Por për të pasur dijeni ke dijeni të plotë. Më mirë pentito! Pra miq e shihni ju si është shkallmuar. Prisni ju kur ti bjerë ai tavolinës me kokë, jo me grusht po me kokë. Kur je i aftë të kryesh çdo krim natyrisht del një ditë ajo”, tha Berisha ndër të tjera.
Pas përfundimit të fjalës së Berishës, e menjëhershme ka qenë reagimi i deputetit socialist Damian Gjiknuri. Duke ia thënë në sy liderit të demokratëve se është i gatshëm që të dëshmojë kurdoherë dhe kudo qoftë, deputeti i risolli Berishës dhe një dialog të cilin e kishin bërë së bashku jashtë ambienteve të Kuvendit si dhe përpjekjet për negociata që ky i fundit kishte bërë me socialistin.
“Sali me ty nuk ja vlen, debate të vjetra me këto çështje. Sa nxjerr një akuzë gjithmonë të del diçka e lidhur me ty, Ta kam thënë aty jashtë kur po bënin humor të kujtohet James trafikanti e më the ‘po ma futën Damian’. Unë nuk e kam problem. Dëshmoj siç kam dëshmuar. Ti mbase je i shqetësuar për negociatat jo të mirë që ti ke bërë me mua përmes përfaqësuesit tënde këtë nuk di ta them dhe nuk ja vlen të përdorësh këtë tribunë për akuza të tilla se të thashë”, tha Gjiknuri.
