Një ngjarje e paprecedentë u regjistrua në mesnatë ku gjatë transmetimit LIVE të spektaklit Big Brother Vip Albania, Jozi dhunoi finalistin e tretë të këtij edicioni, Gjestin.
Menjëherë ai u shoqëruar në Polici, ndërkohë që u la i lirë disa orë më vonë. Burime për mediat bëjnë me dije se në Komisariatin nr.6 të kryeqytetit, Jozefin Marku është shprehur se e gjithë ngjarja u regjistrua si pasojë e provokimeve të vazhdueshme nga ana e Besard Kelmendit (Gjestit).
Në deklaratën e tij Jozi ka thënë se aktin e ka kryer në gjaknxehtësi dhe nuk duroi dot më.
“Më ka provokuar gjatë gjithë lojës, nga gjaknxehtësia e qëllova. Nuk e durova më!”, mësohet se ka deklaruar Jozi.
Policia e Shtetit njoftoi mëngjesin e kësaj të diele se nisi procedimi në gjendje të lirë për 29-vjeçarin Jozefin Marku. Pas dëshmisë së dhënë në Komisariat ai u la i lirë nga blutë.
“Referuan materialet në Prokurori, ku nisi procedimi në gjendje të lirë për shtetasin J. M., 29 vjeç, pasi gjatë transmetimit të një reality show, ka qëlluar me pëllëmbë shtetasin B. K”, thuhej në njoftim.
