Pas një pauze mbi dyvjeçare, reperi Fero është rikthyer në skenën muzikore me një surprizë për fansat, duke rilançuar karrierën e tij nën menaxhimin e një kompanie të re muzikore.
Këngët e tij më të fundit kanë tërhequr menjëherë vëmendjen e publikut, ndërkohë që ai ka nisur edhe një tur performancash në klube të ndryshme, duke shënuar kështu një fillim të ri në rrugëtimin e tij artistik.
Megjithatë, jo gjithçka ka qenë në fokusin e muzikës. Së fundmi, në media janë përfolur zëra për një ndarje të mundshme me bashkëshorten e tij, Nita, pasi është vënë re se ata nuk e ndjekin më njëri-tjetrin në rrjetet sociale.
Këto thashetheme janë mohuar nga burime pranë çiftit, të cilat për “Prive” kanë bërë të ditur se marrëdhënia mes tyre vazhdon normalisht dhe se ndryshimet në profilin e Instagram-it të reperit janë të motivuara nga arsye profesionale. Çifti ka zgjedhur të ruajë më shumë privatësinë në këtë periudhë të jetës së tyre.
