Një mbledhje e jashtëzakonshme qeveritare është mbajtur në orët e mbrëmjes së kësaj të enjteje, ku Kryeministri Edi Rama ka thirrur ministrat për një takim urgjent. Raportohet se mbledhja është fokusuar në diskutime lidhur me buxhetin e shtetit.
Në këtë mbledhje, është bërë me dije se do të akordohen 1.4 miliardë lekë për Ministrinë e Bujqësisë dhe Zhvillimit Rural, ndërsa 500 milionë lekë do t’i kalohen Komisionit Qendror të Zgjedhjeve (KQZ). Sipas informacionit, fondet për KQZ-në do të përdoren për të mbuluar koston e votimit të emigrantëve dhe për organizimin e procesit të kthimit të zarfit zgjedhor.
Kujtojmë se qeveria ka njoftuar më herët se për herë të parë këtë vit do të aplikohet votimi nga jashtë vendit, dhe shpenzimet për këtë proces do të mbulohen plotësisht nga shteti, duke garantuar që emigrantët të mos kenë asnjë kosto lidhur me pjesëmarrjen në zgjedhje.
