Rreth orës 03:30 të mërkurën, qielli në të gjithë Evropën veriore u ndriçua nga një objekt që fluturonte, shkruan BBC.
“Menjëherë mendova për një film fantastiko-shkencor ku dukej si një formacion trupash gati për të sulmuar,” tha Simon Eriksson, një punëtor nga Malmo, për transmetuesin shtetëror suedez.
Lënda piroteknike në fakt u shkaktua nga një raketë Space X Falcon 9 që rihyri në atmosferën e Tokës. Ka raportime për pamje në Danimarkë, Suedi dhe Angli.
Pjesët e raketës më pas u rrëzuan në Poloni dhe, thonë ekspertët, mund të kenë rënë edhe në Ukrainë.
Rreth orës 10:00 me kohën lokale (09:00 GMT) këtë mëngjes Adam Borucki u habit kur gjeti një objekt të djegur me përmasa rreth 1.5 me 1 metër pas magazinës së tij në Komorniki, Poloni.
Mbeturinat duket se kanë dëmtuar një ndriçues në oborrin e magazinës.
Borucki kontaktoi policinë, e cila duke punuar së bashku me agjencinë polake të hapësirës Polsa, përcaktoi se objekti i paidentifikuar ishte mbetje nga një raketë Falcon 9, e prodhuar nga kompania SpaceX e Elon Musk.
“Ne po hetojmë se si objekti përfundoi në këtë vendndodhje, por e rëndësishme është që askush nuk u lëndua,” tha zëdhënësi i policisë Andrzej Borowiak.
Një pjesë e ngjashme e mbeturinave u zbulua në një pyll pranë fshatit polak Wiry, sipas policisë polake.
Raketa SpaceX Falcon 9 përdoret për të transportuar njerëz dhe ngarkesa në atmosferën e Tokës. Është projektuar të jetë i ripërdorshëm.
Raketa që krijoi këto mbeturina u lëshua nga SpaceX nga Baza e Forcave Ajrore Vandenberg në Kaliforni më 1 shkurt.
