Një 34-vjeçar ka rënë në prangat e policisë për herë të dytë pasi akuzohet për armëmbajtje pa leje. Gjatë një kontrolli të ushtruar në banesën e shtetasit Brikel Alikaj, policia gjeti një armë zjarri, me një krehër me fishekë, dhe fishekë për armë zjarri kallashnikov.
Brikel Alikaj u arrestua dhe do të merret në pyetje për të sqaruar përdorimin e armëve. Arma e sekuestruar do të dërgohet në Institutin e Policisë Shkencore për ekspertizë, për të zbardhur nëse ka qenë e përdorur në ngjarje kriminale të ndodhura më parë.
34-vjeçari u arrestua edhe në 2023, po sërish për armëmbajtje pa leje dhe kundërshtim të forcave të policisë.
Njoftimi i policisë:
DVP Vlorë/Finalizohet operacioni policor i koduar “Nightfall 2 ”, goditet një rast i armëmbajtjes pa leje.
Sekuestrohen 1 armë zjarri pistoletë, me një krehër me fishekë, dhe fishekë për armë zjarri kallashnikov. Vihet në pranga 34-vjeçari Brikel Alikaj që i mbante të fshehura në banesë.
Arma e zjarrit do të dërgohet në Institutin e Policisë Shkencore për ekspertizë, me qëllim zbardhjen nëse është përdorur në ngjarje kriminale të ndodhura më parë.
