Policia e Shkodrës ka arrestuar 57-vjeçarin Brandon Saporito, i cili paraditen e djeshme masakroi me thikë bashkëshorten e tij, Sandra Saporito.
Ndaj tij është ngritur akuza për veprën penale “Vrasja për shkak të marrëdhënieve familjare”.
Siç bëjnë me dije blutë, dyshohet se 57-vjeçari në gjendje të dehur dhe për motive të dobëta, ka dhunuar e goditur me sende të forta dhe me mjet prerës bashkëshorten e tij, Sandra Saporito. Kjo e fundit humbi jetën në vendin e ngjarjes.
Njoftimi i policisë:
Specialistët për Hetimin e Krimeve ndaj Personit në DVP Shkodër arrestuan shtetasin amerikan B. S., 57 vjeç, për veprën penale “Vrasja për shkak të marrëdhënieve familjare”, pasi: Më datë 02.05.2025, në lagjen “Vasil Shanto”, në një banesë të marrë me qira, dyshohet se në gjendje të dehur, për motive të dobëta, ka dhunuar e goditur me sende të forta dhe me mjet prerës, bashkëshorten e tij shtetasen S. S., 54 vjeçe, e cila si pasojë e dëmtimeve ka humbur jetën në vendin e ngjarjes.
Krimi në familje u regjistrua në një banesë në rrugën “At Shtjefën Gjevoçi”, të cilën çifti e kishte marrë me qira, ndërsa mësohet se ata ndodheshin në Shqipëri prej pesë ditësh.
