Policia e Vlorës ka reaguar lidhur me ngjarjen makabër të regjistruar ditëve të fundit ku persona ende të paidentifikuar qëlluan me armë zjarri një tufë me kuaj.
Përmes një njoftimi zyrtar, blutë e qytetit bregdetar bëjnë me dije se ditën e djeshme shtetasi me ininciale K.K, banues në Orikum u paraqit në Komisariat ku dhe denoncoi se dy prej kuajve të tij kishin pësuar dëmtime të shkaktuara nga arma e gjakut.
“Specialistët për Hetimin e Krimeve në Stacionin e Policisë Orikum referuan materiale në Prokurori dhe po punojnë për identifikimin e autorit dhe dokumentimin e plotë të ngjarjes, pasi ditën e djeshme, shtetasi K. K., banues në Orikum, ka bërë kallëzim se në malin e Llogarasë, ku mban të lëshuar një tufë me kuaj, ka konstatuar se dy prej tyre kanë pësuar dëmtime, dyshohet nga armë gjahu”, njofton Policia.
Ndërkohë më herët burime për mediat bënë me dije se persona të paidentifikuar qëlluan me çifte një tufë me 22 kuaj, ku katër prej tyre u vranë, tre të tjerë mbetën të plagosur, ndërsa disa kuaj nuk janë gjetur ende.
Deri më tani dyshohet shkak të jetë bërë konkurrenca mes pronarëve të guidave apo ndonjë konflikt mes tyre.
