Një protestë u zhvillua mbrëmjen e sotme përpara ambienteve të Ministrisë së Brendshme në Tiranë, ku qytetarët dolën me pankarta në duar për të kërkuar drejtësi lidhur me ngjarjen kriminale të 30 tetorit në qytetin e Shkodrës, ku humbën jetën 4 persona.
Me pankarta në duar, protestuesit kërkuan zbardhjen e kësaj ngjarje të rëndë.
Në mesin e pankartave, u evidentua një shprehje e kryeministrit Edi Rama: “Hëngshin kokat e njëri tjetrit”, e cila ka ngjallur debate të ashpra dhe reagime të ndryshme në opinionin publik. Protestuesit kërkojnë që autoritetet të hetojnë me seriozitet ngjarjen dhe të sigurojnë përgjegjësi për ata që janë përfshirë.
Pak ditë më parë një tjetër protest u zhvillua në qytetin e Shkodrës. Policia deri më tani nuk ka ndaluar asnjë person për rastin në fjalë.
