Nuk dihet ekzaktësisht se çfarë ka ndodhur, por rrjeti po “zien” pasi modelja e njohur Hailey Bieber ka hequr nga Instagrami i saj, bashkëshortin e saj Justin Bieber.
Ende nuk ka ndonjë reagim prej tyre lidhur me këtë, ndërsa këngëtari ka qenë tejet aktiv me story-t, ku nuk mungon as fotoja e Haileyt me këngën “Jezebel”. (Që ta kuptoni, jezebel është term që përdoret për një grua imorale që mashtron njerëzit për të marrë atë që do).
Ka nga ata që besojnë se përzgjedhja muzikore është krejt e rastësishme dhe kjo “lëvizje” e Haileyt mund të jetë një gënjeshtër më e hershme e 1 Prillit. Justin vijon ta ndjekë gruan e tij në Instagram dhe po, 7 orë më parë Hailey i ka komentuar “sytë zemra” në foton e fundit të tij në feed.
A është kjo një strategji e tyre për të marrë vëmendje apo thjesht po argëtohen?! Situata është e paqartë, aq kohë sa është aluduar shumë së fundmi edhe për gjendjen mendore të Bieber dhe raportin në çift.
Raportohet se martesa e tyre ka pësuar krizë që vitin e kaluar, por me lindjen e djalit të tyre gjërat sikur u “sheshuan”. Ka shumë nga ata që e lidhin këtë gjë me romancën e re të Selena Gomez, për të cilën thuhet se shumë shpejt do të martohet me Benny Blanco. A ka Justin probleme me drogën? A është ai i dëshpëruar për ish të dashurën e tij?! Ka shumë pyetje që komentuesit shtrojnë, por asgjë të konfirmuar.
