Moderatorja e njohur Marina Vjollca ka festuar së fundmi 35-vjetorin e lindjes së saj. Me këtë rast, ajo ka ndarë me ndjekësit një moment mjaft të veçantë: momentin e fryrjes së qirinjve, ku për herë të parë ka zgjedhur të zbulojë fytyrën e vajzës së saj, Marget.
Në videon e publikuar, Marina dhe Marget shihen duke shijuar çaste të ëmbla pranë njëra-tjetrës, ndërsa nga sfondi dëgjohen brohoritje dhe urime nga të pranishmit. Ndërkohë, mungesa e partnerit të saj, Getoar Selimi, në këtë klip sugjeron se ai ka preferuar t’ua lërë vajzave të tij gjithë vëmendjen e momentit.
Edhe pse vogëlushja ka vendosur syze, imazhi i saj është mjaft i qartë, dhe ndjekësit kanë arritur të krijojnë një ide të plotë për pamjen e saj. Kujtojmë që Marina dhe Getoari janë njohur vite më parë dhe dashurinë e tyre e kanë kurorëzuar me një ceremoni martesore madhështore.
Që prej ardhjes në jetë të Marget, çifti duket më i bashkuar se kurrë dhe shpesh ndajnë me ndjekësit momente nga përditshmëria e tyre, ku reflektohet qartë lumturia dhe harmonia në familje.
