Marcus Rashford, lojtari i Manchester United, është lënë edhe një herë jashtë skuadrës dhe nuk luajti edhe këtë të enjte në ndeshjen çerekfinale të Kupës së Ligës kundër Tottenham Hotspur, të cilën kjo e fundit e fitoi me rezultatin 4-3.
Lojtari anglez nuk është përfshirë në dy thirrjet e fundit të Rúben Amorim dhe të martën ai siguroi se është gati “për një sfidë të re”, duke hapur derën për një të ardhme larg Manchester United, një klub të cilit iu bashkua si fëmijë.
Rashford, megjithatë, ka edhe tre vjet e gjysmë në kontratën e tij dhe është një nga lojtarët më të paguar në skuadër, me një pagë prej 300.000 paund në javë, kështu që një largimi i tij si në dimër ashtu edhe në verë është më se i komplikuar.
Alejandro Garnacho, i cili gjithashtu nuk ishte në skuadër në derbin e Mançesterit të së dielës kundër Cityt (1-2 në Etihad), ishte në listë dhe luajti 20 minutat e fundit, duke hyrë në vend të Manuel Ugarte.
