Piloti spanjoll i Ducati, Marc Marquez, fitoi garën sprint të MotoGP, zhvilluar në pistën e Katar. Ai e nisi garën nga “pole” dhe e mbrojti kreun deri në fund.
Marquez dueloi deri në fund me të vëllanë, Alex Marquez me Ducati Gresini, ndërkohë që në podium u ngjit edhe Franco Morbidelli me VR46.
Një garë (11 xhiro) që u diskutua vetëm mes dy vëllezërve Marquez, ndërsa pilotët e tjerë ishin shumë pas dhe larg garës për fitore.
Vetëm i nteti Francesco Bagnaia me motorin tjetër Ducati, fitues i garës së kaluar. Debutoi në këtë garë edhe spanjolli Jorge Martin, kampioni i botës në fuqi.
Piloti i Aprilia nuk kishte marrë pjesë në tri garat e para pasi kishte qenë i dëmtuar. Ai e mbylli garën në vendin e 16-të shumë larg zonës së pikëve.
