Fitore me peshe dhe ne frymen e fundit per Manchester City, qe sonte ndaj Aston Villa ka zbritur sot në fushë për javën e 34-t dhe në “Etihad Stadium” është prodhuar një ndeshje e bukur me raste dhe emocione edhe pse në fund ishte nje prekje magjike alla Yamal me te jashtmen nga Doku qe i dha mundesine Matheus Nunes te shenonte golin e KO dhe ate qe ka tronditur miqte.
Djemtë e drejtuar nga Pep Guardiola kanë mbajtur më shumë topin por raste të rrezikshme ka pasur edhe skuadra e Emery, që gjithashtu është duke luftuar për një vend në Champions League (Anglia fut 5 ekipe në turne dhe mos harrojmë që dy luajnë ende në Europa League, si Manchester United dhe Tottenham, pasi fituesi i kompeticionit kalon direkt në Champions)
Vendasit e nisën më mirë dhe shënuan me anë të Bernardo Silvas por miqtë barazuan me anë të Rashford, për të cilin kishte një aromë derbi. Futbollisti i huazuar nga Manchester United te Villa ka realizuar me penallti. Pjesa e dyte vazhdoi me dominim nga Manchester City dhe Villa e rrezikshme me kundersulme deri kur ne shtese ishte Doku ai qe dribloi ne krahe dhe u fut afer zones duke asistuar me te jashtmen per Matheus Nunes qe ne shtyllen e dyte shenoi golin e rende dhe me peshe per Man City.
Ekipi i Guardiolas parakalon Nottingham Forest (ka nje ndeshje me pak) dhe kap vendin e tretë në renditje pasi fitoi ndaj Tottenham dhe ndodhet i katerti momentalisht. Aty është edhe Newcastle që ka një ndeshje më pak, ashtu si Forest, por edhe Chelsea i Maresca-s. Një duel i bukur për zonën Champions që do të zgjasë deri në fund.
