Manchester City ka bërë të ditur se ka nënshkruar me Marc Guéhi nga Crystal Palace. 25-vjeçari ka firmosur një kontratë pesë vjeçare që do ta mbajë atë në Etihad Stadium deri në verën e vitit 2031. Guéhi është një ndërkombëtar anglez me 26 ndeshje për ekipin kombëtar. Ai e filloi karrierën e tij te Chelsea, ku pas një huazimi të suksesshëm te Swansea City në sezonin 2020-21, nënshkroi për Crystal Palace.
Pas një vere të jashtëzakonshme në EURO 2024, ku ai ishte një nga lojtarët më të spikatur për Anglinë, Guéhi u emërua kapiten i Crystal Palace për sezonin 2024-25. Sezoni i tij i parë si kapiten ishte mjaft i suksesshëm, duke e çuar ekipin drejt një trofeu të rëndësishëm dhe për herë të parë në histori në kompeticionet evropiane pas fitimit të FA Cup ndaj City-t në maj të vitit të kaluar. Më pas, ai ndihmoi ekipin të fitojë FA Community Shield në muajin gusht, duke mposhtur Liverpoolin në Wembley Stadium. Guéhi ka luajtur 188 ndeshje dhe ka shënuar 11 gola për Crystal Palace.
Ky transferim është nënshkrimi i dytë që Manchester City bën gjatë dritares së transferimeve të janarit, pas ardhjes së Antoine Semenyo nga Bournemouth. Me këtë marrëveshje, shpenzimet totale të klubit në këtë periudhë arrijnë në 85 milionë funte. Guéhi pritet të sjellë forca të reja në mbrojtjen e City-t, duke e bërë atë një lojtar të rëndësishëm për të ardhmen e ekipit. Dashuria për futbollin dhe experienca e tij në nivele të larta e bëjnë atë një përforcim të vlefshëm për klubin, që ka ambicie të tjera për t’u ngjitur në majat e futbollit europian.
